月光望友更新:2014年09月16日文/沙山懷若今夜月光暝 月娘光光佇天頂 照落岸邊的海湧 一湧閣一湧 引我思念想起你 徛佇海峽的這爿 彼時蹛佇北部食頭路 你是組長我辛勞 種花種樹兼挖土 實在是誠辛苦 佳哉有你用心來看顧 菜鳥仔才漸漸綴會著跤步 這是你的功勞 曾經相招 雪山 徛佇嶺頂向前看 你的眼神是遐爾仔深沉 曾經開車去白河 跍佇田邊翕荷花 你的姿勢若坐佇荷花頂 這馬你已經出家去修行 流浪到海峽的彼爿 山頂寒冷 你敢有適應 打坐念經 你敢會有閒 有閒想起海峽的這爿 故鄉的親人共好友 佇這個月光的十五暝◇大紀元時報 - 台灣(The Epoch Times - Taiwan)